आर्थिक संकटात आणिबाणीच्या परिस्थितीत घरातील सोन्याचा उपयोग होऊ शकतो. बाजारात अनेक संस्था तसेच बँका आहेत ज्या गोल्ड लोनची सुविधा देतात. सरकारी आणि खासगी बँका देखील अशा प्रकारचे कर्ज देतात. यात ज्वेलरी, सोन्याची नाणी आदी गोष्टी बँकेकडे तारण ठेवून तुम्ही पैसे घेऊ शकता. नंतर व्याजासह पैसे परत केल्यानंतर तुम्ही सोन परत घेऊ शकता. जर तुम्ही एक वर्षाच्या आत पैसे परत करणार असाल तर गोल्ड लोन हा सर्वात चांगला पर्याय आहे. सर्वसाधारणपणे गोल्ड लोनचा कालावधी २ वर्षाचा असतो. हा कालावधी तुम्ही वाढवू देखील शकता. पण जर तुम्ही कर्ज म्हणून घेतलेले पैसे तीन ते पाच वर्ष कालावधीपर्यंत परत करण्याचा विचार करत असाल तर त्यासाठी वैयक्तीक कर्ज हा पर्याय चांगला ठरतो.

व्याज दर- याबाबत वैयक्तीक कर्जाच्या तुलनेत गोल्ड लोनचे व्याज दर कमी असते. इतक नव्हे तर वैयक्तीक कर्जाच्या तुलनेत गोल्ड लोन झटपट मिळते. सध्या वैयक्तीक कर्ज हे तुमची नोकरी आणि क्रेडिट स्कोअर आधारावर १० ते १५ टक्क्यांच्या दरम्यान मिळते. पण गोल्ड लोनवरील व्याज दर ८ ते १२ टक्क्यांच्या दरम्यान असते. अर्थात प्रत्येक बँकेत वेगवेगळे व्याजदर असतात. त्यामुळेच कर्ज घेण्याआधी व्याज दराची निट माहिती घ्यावी.

आणि यासंदर्भात अधिक माहिती हवी असल्यास ” धनलाभ “च्या कार्यालयाशी संपर्क साधावा !!

अभिप्राय द्या!