निफ्टी-५० मंचावर रिलायन्स इंडस्ट्रीजच्या शेअरचे weightage मंगळवारी १०.०८ टक्के झाले. सोमवारी ते ९.८२ टक्के होते. मागील काही दिवसांत रिलायन्सच्या शेअरचे The stock’s weightage सातत्याने कमी झाले होते. रिलायन्स इंडस्ट्रीजच्या शेअरची अव्वल स्थावरून घसरण झाली असून त्याजागी आता एचडीएफसी बँकेच्या शेअरची वर्णी लागली आहे.
गेल्या वर्षी एप्रिल ते सप्टेंबर या काळात रिलायन्स इंडस्ट्रीजचा शेअर चर्चेत होता. या काळात शेअर तब्बल १६९ टक्के वाढला. रिलायन्स समूहाची निधी उभारणी, जिओ मार्ट या ऑनलाइन पोर्टलचे अनावरण करून किराणा क्षेत्रात घेतलेला प्रवेश यामुळे कंपनीच्या शेअरला सुगीचे दिवस आले होते. रिलायन्स जिओच्या हिस्सा विक्रीतून तब्बल दोन लाख कोटींचा निधी उभारला होता.
या काळात ११ सप्टेंबर रोजी रिलायन्सच्या शेअरने २३६० रुपयांचा ऐतिहासिक उच्चांक गाठला. मात्र त्यानंतर शेअरला उतरती कळा लागली. एकीकडे निफ्टी-५० निर्देशांक २७ टक्क्यांनी वधारला असताना रिलायन्सच्या शेअरमध्ये १८ टक्के घसरण झाली. ज्यामुळे गुंतवणूकदारांना जबर झटका बसला.