स्टार हेल्थ अँड अलाइड इन्शुरन्सने आयपीओचा कार्यक्रम जाहीर केला आहे. आयपीओ ३० नोव्हेंबर २०२१ रोजी खुला होणार आहे. गुंतवणूकदारांना शेअर खरेदीसाठी २ डिसेंबर २०२१ पर्यंत अर्ज करता येईल. आयपीओमध्ये ‘क्यूआयबी’साठी ७५ टक्के, ‘एनआयआय’साठी १५ टक्के आणि किरकोळ गुंतवणूकदारांसाठी १० टक्के समभाग राखीव ठेवण्यात आले आहेत.

स्टार हेल्थ अँड अलाइड इन्शुरन्समध्ये सेफकॉर्प या कंपनीची सर्वाधिक ४५.३२ टक्के हिस्सेदारी आहे. तर राकेश झुनझुनवाला आणि त्यांची पत्नी रेखा झुनझुनवाला यांनी स्टार हेल्थ अँड अलाइड इन्शुरन्समध्ये १७.२६ टक्के हिस्सेदारी आहे. त्यामुळे आयपीओतीळ प्रती शेअरचे मूल्यांकन पाहता झुनझुनवाला दाम्पत्यांची गुंतवणूक किमान सहा पटीने वाढेल असे बोलले जाते. कंपनीच्या प्रवर्तकांकडे ६२.८० टक्के हिस्सा आहे.

अभिप्राय द्या!