एसआयपीमधून पैसे काढताना कोणते घटक लक्षात घेतले पाहिजेत? पैसे कधी काढले जावे आणि कोणत्या प्रकारचे कर आकारले जाऊ शकतात? हे आज थोडक्यात पाहूया !!
रिडेम्पशनपूर्वी लॉक इन पीरियड तपासायला हवा. ELSS मध्ये 3 वर्षांचा लॉक-इन आहे. जर गुंतवणूक एसआयपीद्वारे केली गेली असेल, तर फक्त पहिली एसआयपी ३ वर्षांनी आणि दुसरी तीन वर्ष १ महिन्यानंतर काढता येऊ शकते. जर फंडचा परतावा चांगला सुरू असेल तर आणि पैशाची तत्काळ गरज नसेल, तर पहिल्या एसआयपीपासून ४ वर्षांनी एकरकमी पैसे काढले जावेत.
काही फंडांना ठराविक वेळेपूर्वी रिडीम केल्यास १% किंवा त्याहून अधिक एक्झिट लोड शुल्क भरावे लागते. इक्विटी फंडांच्या बाबतीत, वेळ फ्रेम सहसा एक वर्ष असते. म्हणजेच, गुंतवणुकीपासून एका वर्षापूर्वीच पैसे काढले असल्यास, एक्झिट लोड भरावा लागेल. जर पैशाची तातडीने गरज नसेल तर गुंतवणूकदारांनी एक्झिट लोड कालावधी संपण्यापूर्वी रिडीम करू नये.
कर आकारणीच्या दृष्टिकोनातून दीर्घकालीन भांडवली नफा मिळवणे चांगले आहे. जे इक्विटी फंडांसाठी १० टक्के (एक वर्षानंतर) आणि इंडेक्सेशन नंतर (३ वर्षानंतर) २० टक्के आहे. पैसे काढण्याच्या निर्णयासाठी कालावधी म्हणजे तुमचे ध्येय काय त्यानुसार ठरवणे.
म्युच्युअल फंड एसआयपीमधून रिडेम्प्शन ऑनलाइन आणि ऑफलाइन दोन्ही प्रकारे करता येते. ऑफलाइन मोडमध्ये, युनिट धारकाने एएमसीच्या नियुक्त कार्यालयात रीतसर स्वाक्षरी केलेला रिडम्शन विनंती अर्ज सादर करणे आवश्यक आहे. यामध्ये युनिट होल्डचे नाव, फोलिओ क्रमांक, योजनेचे नाव, किती युनिट्स काढायचे आहेत. योजनेचा तपशील द्यावा लागेल. रिडम्शन प्रक्रिया पूर्ण झाल्यानंतर, रक्कम नोंदणीकृत बँक खात्यात जमा केली जाते.
पण सल्लागाराचा सल्ला घेणे केव्हाही उचित ठरते !!