पुढील महिन्यात म्हणजे जूनमध्ये होणाऱ्या आरबीआयच्या चलनविषयक धोरण समितीमध्ये (MPC) रेपो दर वाढणार की नाही? हे मे महिन्यात येणारी महागाईची आकडेवारी ठरवेल. एमपीसीच्या मागील बैठकीत दरवाढीला तूर्तास ब्रेक लावला होता, पण त्याआधी रेपो दरात सलग अनेक वेळा वाढ करण्यात आली. मे महिन्यात किरकोळ चलनवाढ ४% जवळपास राहण्याची शक्यता आहे, त्यामुळे व्याजदरात वाढ होण्याची शक्यता नाही. रेपो दरात वाढ झाल्यामुळे बँका सर्व प्रकारच्या कर्जाचे व्याज वाढवतात, ज्याचा थेट परिणाम ग्राहकांवर होतो.
महागाईवर नियंत्रण ठेवण्यासाठी केंद्रीय बँकेने गेल्या वर्षी मे महिन्यापासून रेपो दरात २.५०% वाढ केली असून गेल्या वर्षी एप्रिलमध्ये रेपो दर ४% होता, जो आता ६.५०% वर आहे. मात्र, आता महागाई नियंत्रणात आल्यानंतर रेपो दरात कपात होण्याची शक्यता आहे.