एनएफओसाठी अर्ज भरणे योग्य आहे काय?

न्यू फंड ऑफर्स (एनएफओ) या नव्याने गुंतवणूक करण्यासाठीच्या योजना असतात. या योजना अॅसेट मॅनेजमेंट कंपनीकडून घोषित केल्या जातात. शेअर्स किंवा सरकारी रोखे बाजारातून विकत घेण्यासाठी व त्याद्वारे लोकांकडून भांडवल उभारणी करण्यासाठी एनएफओचा उपयोग होतो. आपल्या योजनांचे सर्व प्रकार पूर्ण करण्यासाठी म्युच्युअल फंडाकडून एनएफओ बाजारात आणली जाते. यातील मर्यादित कालावधीसाठीच्या एनएफओ ३ ते ३.५ वर्षांसाठी असतात. या काळात गुंतवणूकदार युनिट्स खरेदी करू शकतात.

आयपीओ व एनएफओ यांच्यात अनेक फरक आहेत. आयपीओ हे भांडवल उभारणीसाठीच बाजारात आणले जातात. एनएफओच्या माध्यमातून गुंतवणूकदारांकडून पैसा उभारला जातो, ज्याची गुंतवणूक पुन्हा सरकारी रोख्यांमध्ये केली जाते. ही गुंतवणूक आधी जाहीर केलेल्या रोखे गटात केली जाते. आयपीओची किंमत दर्शनी मूल्यापेक्षा अधिक असते. त्याचवेळी एनएफओ मात्र १० रुपये दर्शनी मूल्यानुसारच नेहमी उपलब्ध असते.

कोणताही NFO घेताना वित्तसल्लागाराचा सल्ला घ्यावा हे महत्वाचे !!!

अभिप्राय द्या!

Close Menu