परवडणारी घरे ही सर्वसामान्यांसाठी बांधण्यात येत असल्यामुळे या घरांची विक्री करताना त्यावर वस्तू आणि सेवा कर (जीएसटी) आकारू नका, असा स्पष्ट आदेश केंद्र सरकारने सर्व बांधकाम व्यावसायिकांना (बिल्डर) दिला आहे. परवडणाऱ्या घरप्रकल्पांसाठी आठ टक्के जीएसटी सध्या आकारण्यात येत आहे. हा कर बांधकाम व्यावसायिकांना मिळणाऱ्या इनपुट क्रेडिटच्या बदल्यात वळता करून घेतला जाईल, असे आश्वासनही सरकारने दिले आहे.

सरकारने याबाबत असे स्पष्टीकरण दिले आहे की, परवडणाऱ्या घरांचे बांधकाम करणाऱ्या बिल्डरांना या घरांची विक्री करताना जीएसटी लावता येईलही. मात्र या घरांचा निर्मिती खर्च दाखवून त्यावर क्रेडिटचा दावा केला असेल आणि त्यानंतर प्रत्यक्ष घराची विक्री किंमत कमी केली असेल, तरच तो आकारता येईल.

अभिप्राय द्या!

Close Menu