रिलायन्स इंडस्ट्रीजने एक नवा विक्रम केला

मुकेश अंबानीच्या रिलायन्स इंडस्ट्रीजने एक नवा विक्रम केला आहे. रिलायन्स इंडस्ट्रीजने डिसेंबरअखेर सरलेल्या तिसऱ्या तिमाहीत 10,251 कोटी रुपयांचा दणदणीत नफा मिळवला आहे. 10,000 कोटी रुपयांचा निव्वळ नफा एकाच तिमाहीत मिळवणारी रिलायन्स ही देशाच्या खासगी क्षेत्रातील पहिली कंपनी ठरली आहे. रिलायन्सच्या नफ्यात 8.82 टक्क्यांची वाढ झाली आहे. याआधीच्या सप्टेंबरअखेर सरलेल्या तिमाहीत कंपनीने 9,516 कोटी रुपयांचा नफा मिळवला होता. विश्लेषकांच्या अपेक्षेपेक्षा जास्त नफा रिलायन्सने कमावला आहे.